Iphone6香港抢购攻略 香港能买到Iphone6的方法
导语 愈近新 iPhone 发佈既日子，就愈多消息。寻日同大家分析过「达人」话炒到 $12,000 之后，好快大陆又有人放左真机同埋操作影片出黎，唔理佢係咪博上位，都令大家对 iPhone 6 有更多的期待!好啦，咁回归一个正题。如果网友唔係炒家，只係想买机自用既话应该点做呢?版主 Eddie 又整理几个重点同大家分享下!
方案 1:上台会唔会更抵?需要上网留资料吗?
第一个想同大家讨论既方案就係上台出机啦，係新 iPhone 发佈之前，几间电讯商包括 csl.、 3香港、SmarTone、同埋 PCCW 都叫人上网留资料，话可以第一时间收到新机开卖资讯，究竟有冇用呢?版主问过 csl.、3香港同中移动的门市，店员都话就算上网/在门市留资料，都只係在开放预订的一日立刻通知客户，并不等于已经预订了，所以现在留低资料都未必可以更早有机。
值得留意的是 SmarTone 的 Red Pass ，官网写明会「预留位置」、「率先出」，而版主去过门市问，店员都好肯定的回应：「有留 RED Pass 一定比没有留位的快」，换句话说就已经係一个排队的情况，早一步登记的确係有优势。不过提提大家，新 iPhone 的货量和需求量暂时都未有人肯定到，或者货量充足到开卖初期就可以随时上台?(上年就是如此)要唔要留自己既私人资料大家可以慎重考虑下。
另外亦都唔少朋友/网友问版主既一件事，上台出新 iPhone 抵唔抵?因为见到有相关报导话「街霸」落力 Sell 客，叫佢先出一个带机上台月费，随后新 iPhone 开卖时买「净机」会更加划算。其实想一想就知道不可能，如果带机上台月费平过出机的话，就没有人在网络商出机啦!根据以往多年经验，如果需要月费+ iPhone 的话肯定上台更平!同时比个贴士大家，係电讯商门市店员鐘意计「预缴」、「回赠」令到数字好混乱，其实要比较月费计一计两年总支出就一目了然!
SmarTone 讲明现在先登记，就会有优先次序，不过记得睇清楚，佢係写住旗舰级手机，并唔係写明 iPhone 6 啊。
